Binigyang-diin ni Senadora Loren Legarda na pinakamahalaga sa lahat ang buhay at kaligtasan ng ating mga kababayan sa Israel.
Ito ay matapos ang inilabas na kumpirmasyon ng Department of Foreign Affairs (DFA) na dalawang Pilipino ang namatay dito matapos ang pag-atake ng grupong teroristang Hamas.
Kaugnay nito, nanawagan ang senadora sa DFA na magsagawa ng mas maigting na pagbabantay sa sitwasyon ng mga Pilipinong nandoon.
Ito ay upang mapaabutan ang mga ito ng mga karampatang pangangailangan nila.
Samantala, pinaalalahan naman din niya ang mga Pilipinong kasalukuyang nasa Israel na patuloy lang makipag-ugnayan sa embahada.
