Matapos gumuwa ro alegasyon nga may nag-leak nga questionnaire sa kakatapos eamang nga College Admission Test (CAT) it West Visayas State University (WSVU), gintiyak man it WVSU nga paga-imbestigahan raya.
Suno sa post it saeang ka netizen nga si CJ Gania Barnezo Arellano, manghod it saea sa nagbuoe it exam, pagtapos magbuoe it exam hay nasayuran nanda nga may mga grupo it estudyante nga may gintun-an eon nga questionnaire bag-o pa magbueo it exam ag parehong-pareho kuno ro questionnaire nga nagguwa sa mismong exam.
Dugang pa ni Arellano, may nagpadaea nga ibang estudyante it questionnaire sa anang manghod.
Suno man kay Dr. Joselito Villacruz, presidente it WVSU, sa anang nabaton nga hawid it nag-leak nga questionnaire, anang ginkumpirma nga nagguwa gidman ro iba samtang ro iba hai uwa.
Nag-ubra man ro WVSU it komite nga magapanguna sa imbestigasyon ag gintiyak nga indi nanda pag-kunsintihon ro mga makara nga gakaeatabo. //MERIAM LUMBRES AGDIPA
