Ginpasakaan na sang nagakaigo nga panumbungon ang 27-anyos nga lalaki nga naglikaw sa checkpoint ang ginamaneho nga salakyan kag nakuhaan sang isa ka unit sang replica nga armas luthang ukon airgun sa Barangay Calitan, Panay, Capiz.
Sandig sa impormasyon nagikan sa Panay MPS, kaso nga paglapas sa Republic Act 10591 ukon Comprehensive Firearms and Ammunition Regulation Act ang pagaatubangon ni Hjelou Dale Blancaver nga residente sang Barangay Lanot, siyudad sang Roxas.
Mahibaluan nga wala sang napresentar nga dokumento si Blancaver sa narekober nga airgun sa iya paghinakop.
Sa karon, nagapabilin gihapon ini sa kustodiya sang Panay PNP ang akusado. | KMD Gicalde
