LEGAZPI CITY – Kinumpirmar kan San Andres PNP kan Catanduanes na sarong Person Who Used Drugs (PWUD) an lalaking luminukso-gadan sa kampanaryo kan sarong simbahan sa nasambit na banwaan kan nakalihis na Lunes, Oktubre 2.
Sa intrevista kan Brigada News FM Legazpi kay PMaj. Emsol Icawat kan nasambit na hepatura, sinabi niya na ini an impormasyong sinabi kan aking babaye kan biktima.
Sinabi kan Icawat, apwera sa pagiging PWUD kan biktima, dati naman palan ining nagbalo na magkitil ki buhay alagad dai man nadadagusan.
Depresyon man an pinagtutukdo kan PNP na rason kan biktima kun nata niya ini ginibo.
Mientrastanto, segun pa kay Icawat, nagkaigwa na sinda nin command conference kan kaparehong aldaw asin saro an mental health sa mga pigtukar.
Mensahe pa ni Icawat, lugod man magin aware an kada saro sa mga myembros kan pamilya na nagaagi sa depression nganing matawan tulos ki mga interbensyon asin matabangan sinda.
