LEGAZPI CITY – Makalihis an onseng taon, arestado na kan mga otoridad an lalaki na igwa nin kasong panlulugos sa Purok 5, Brgy. Bagacay, Legazpi City.
An 28 anyos na suspetsado, igwa nin agom asin naarestar sa kusog kan mandahamiento de aresto para sa nasambitang kaso na pirmado pa kan Pebrero 29 taon 2012.
Wara man nin piyansang pigrekomendar an korte para sa saiyang temporamenteng libertad.
Paramientras ining nasa kustodiya kan Legazpi CPS asin ililipat sa BJMP kun magpaluwas na nin commitment order an korte para sa magkakanigong disposisyon.
