Arestado han mga operatiba an usa nga lalaki nga Wanted Person ha kaso nga Murder Brgy. Tarabucan, Calbayog City Samar.
Ginkilala an suspek nga hi alyas Jhony, 35 anyos, usa nga parag-uma ngan residente han Brgy. Napuro, Sta. Margarita, Samar.
Nanguna ha operasyon an mga tinaglawas han Calbayog City Police Station, Regional Intelligence Unit 8, Sta. Margarita MPS ngan iba nga sanga han PNP.
Narekopo naman ha suspek an usa (1) nga improvised shotgun, 2 kabug-os nga box hin posporo ngan small plastic container nga mayda sulod nga lead ball pellets.
Naaresto an suspek ha bisa han warrant of arrest ha kaso nga Murder ngan Homicide, ngan waray ginrerekomenda nga kapiyansahan para ha kaso nga Murder samtang P120,000 naman an ginrerekomenda nga kapiyansahan para ha kaso nga Homicide.
Hapagkayana in nakaditine na an suspek ha Calbayog City Police Station para ha kaangayan nga dukomentasyon ngan disposisyon ngan naatubang na ini ha kaso nga pagtalapas ha RA 10591 o Comprehensive Firearms and Ammunition Regulation Act.
