Nagapabilin sa kustodiya sang Dao Municipal Police Station si alyas “Oking”, 39-anyos matapos nakuhaan sang ginapatihan droga sa implementasyon sang search warrant takna alas 9:30 sang gab -i, Hulyo 18 sa Brgy. Balucuan, Dao, Capiz.
Nakuha sa iya paghinakop ang anum ka sachets sang suspected shabu nga nagabalor sang P40,800; 301 pcs sang ginkumos nga aluminum foil nga may residue sang ginapatihan shabu; 12 pcs of small unused plastic sachet; pito ka used lighter; tatlo ka lighter nga may aluminum extension; improvised tooter pipe, kag pouch naga duag itom.
Ang search warrant gin-isyu kag pirmado ni Hon. Esperanza Isabel E Poco-Deslate, Executive Judge, RTC, Hall of Justice, Roxas City, napetsahan Hulyo 16, 2024. Sa subong si alyas ‘Oking’ magapangatubang sang kaso nga RA 9165 ukon ‘Comprehensive Dangerous Drugs Act of 2002’.
