Naglanding sa Sebaste Community Hospital si Arman Vallermosa, 31 anyos, kag residente kang Brgy. Abiera, Sebaste matapos mag-overtake kag maduraan kang kontrol sa ginamaneho nga motorsiklo kang Agosto 20, las-10:35 sa gabi-i sa Sitio Barusbus, Brgy. Poblacion, Sebaste sa diin na sideswipe ka dya si Aldrin Caguioa, 29 anyos, kag residente kang Brgy. San Luis, Culasi.
Suno sa mga otoridad, samtang nagabyahe si Caguioa dara ang anang motorsiklo halin sa Brgy. Caticlan, Malay, Aklan pauli kun daad sa Culasi, kang dya ang nasideswipe kang motor nga ginamaneho naman ni Vallermosa nga sa amo nga higayon, ginapatihan sa idalum kang impluwensya kang makahurubug nga irimnon kag nagabyahe sa magkatuhay nga direksyon
Gilayon nga gindara kang MDRRMO si Vallermosa sa nasambit nga balay burolngan samtang wara naman nasamadan si Caguioa.
Sa kadya sa kustodiya kang Sebaste Municipal Police Station ang darwa ka motorsiklo nga nag-agum kang kahalitan para sa nagakaigo nga tikang.
