TANGGONG na sa selda sa San Isidro Police Station sa GenSan ang gikonsiderang top 6 most wanted person.
Kini dungan sa pagsilbi sa kapulisan og warrant of arrest sa 27-anyos nga delivery boy tungod sa kasong pagpanglugos.
Nasikop ang delivery boy sa Barangay Dadiangas West ning dakbayan ug kasamtang nabalhog sa maong presinto.
Una nang, gibutyag ni Police Brig. Gen. James Gulmatico, OIC sa Police Regional Office (PRO) 12 nga naa mokabat na sa gatusan ka indibidwal ang ilang nasikop.
Dungan sa pagpakusog sa operasyon batok mga most wanted person sa rehiyon.
Tumong niini ang mapanubag ang maong mga personalidad sa balaud ug makonhuran usab ang kriminalidad sa rehiyon. I Richel Gubalani
