Dakup sa ginpatigayon nga anti-illegal fishing operation kang Barbaza Municipal Police Station si Rodel Samillano, 21 anyos, mangunguma, kag residente kang Brgy. Magtulis, Barbaza, bangud sa pagpamunit gamit ang improvised electrical fishing rod sa sapa kang nasambit nga lugar kang Hulyo 22, las-2:49 sa hapon.
Lakip sa nakumpiska sa persona ang sangka unit kang improvised electrical fishing rod balor P400; kag mas o menos 25 meters electric nga may balor P750.
Sa kadya rugyan ang persona kag ang nakumpiska nga gamit sa Barbaza MPS para sa dokumentasyon kag iga-turnover naman sa BFAR-Barbaza para sa nagakaigo sa tikang.
