LEGAZPI CITY – Arestado an 33 anyos na lalaki nin huli sa kasong panlulugos sa Purok Busilak, Brgy. Banawan, Pio Duran, Albay.
An akusado, sarong construction worker na residente kan kaparehong lugar.
Susog sa report, nadakop ini kan pinagsarong esfuerso kan Pio Duran MPS, 1st Albay PMFC asin iba pang yunit sa kusog kan mandahamiento de aresto para sa nasambit na kaso na wara ki itinalaang piyansa.
Kapot na ini kan nasambit na hepatura para sa magkakanigong disposisyon.
