Arestado ang isang lalaki matapos ang ikinasang entrapment operation ng Candelaria Municipal Police Station (MPS) sa Barangay Masin Sur, ng nasabing bayan nitong Lunes, Marso 4.
Isang intel operative umano ang nagpanggap na buyer online na nagresulta sa pagkakadakip sa suspek na kinilalang si alyas “Patrick”, 23-anyos, residente ng Calauan, Laguna.
Samantala, narekober naman mula sa suspek ang dalawang (2) Green Cheeked Conure na nagkakahalagang ₱12,000.
Sa ngayon, nasa kustodiya ng awtoridad ang suspek na nahaharap ngayon sa kasong paglabag sa R.A. 9147 o Illegal Trading of Wildlife.
