Arestado ang isa ka lalaki sa ginkasa nga drug buy bust operation sang gintingub nga pwersa sang President Roxas Municipal Police Station, Pilar PNP kag Pontevedra PNP sa Barangay Cabugcabug, President Roxas, Capiz.
Ginkilala ang naaresto kay April John Sarria, residente sang Barangay Pantalan sang nasambit nga banwa.
Narekober sa posisyon ni Sarria ang 5 ka sachets sang ginapatihan shabu, P1,000 nga buy bust money, cellphone kag isa ka salakyan.
Nahibaluan nga na priso na si Sarria sadtong 2016 bangud man sa iligal nga druga apang nakaguha sang 2017 matapos nga makapiyansa.
Sa karon, nagapabilin sa President Roxas PNP si Sarria kag natalana nga pasakaan sang nagakaigo nga panumbungon. | Judy Ann Juare
