LAING barangay sa munisipyo sa Alabel, Sarangani Province ang nag deklara og state of calamity gumikan sa epekto sa tag-init sa mga pananum.
Sumala kay Alegria Barangay Captain Larry Villamora nga sa ilang pag monitor sa mga puroks adunay 188 ka mga mag-uuma nga nagdeklara og damyos sa ilang pananum gumikan sa kainit sa adlaw.
Gumikan niini ang Sangguniang Barangay sa Alegria nagduso usab ug resolution nga nagadeklara og state of calamity sa ilang lugar unya giduso sa munisipyo ang ilang deklarasyon.
Gipakita usa sa mga mag-uuma sa Purok Malaya nga silang Berting Tangge, Boy Ali ug Ramos Tiu ang damyos sa ilang tanum unya ang ilang ginahimo.
Sa bahin ni Tangge,10,000 ka bunga sa lubi ang nawala, samtang duha ka ektarya nga maisan ni Tiu ang dili mapuslan, samtang nanguling na lang si Ali aron makakwarta. I Ver Diazon