LAING 105 na usab ka mga miyembro ang natabangan sa KaBrigadahan GenSan adlawng Sabado.
Sila ang ika-60 nga batch sa mga beneficiaries sa nakolekta nga P350,000 sa mga kaubanang miyembro ug ilaha kining gibahin bahin, alang sa panginahanglanon sa ospital, tambal, pampalubong ug uban pa.
Sa 105 nga natabangan, tulo niini ang personal nagpasalamat pinaagi sa matag Sabado nga programa sa Brigada News FM GenSan.
Si Lluovelyn Inocentes, 51-anyos, purok 19, Promiseland, Mabuhay ang nagpasalamat sa tabang alang sa inahang si Luciana Calunsag, 79-anyos- nga naospital tungod sa hypertension ug uric acid.
Lakip gipasalamatan si Brigada Elmer V.Catulpos nga nagmugna sa KaBrigadahan nga ang tumong magtinabangay ang mga katawhan.
Si Heidelyn Macaraeg, 36-anyos, inahan, usa ka solo parent ug on call beautician nga may duha ka anak puro asthmatic, ug nagpasalamat sa mga miyembro sa tabang kaniya.
Si Sylvia Hermoso, nga ang bana adunay kidney failure ug naga dialysis na ug na mild stroke ang nagpasalamat sa tanang nga nadawat.
Samtang sa featured case nga apo ni Corazon Matilos, 50-anyos, taga Greenville phase 1, Calumpang ang nakatigom og P6,730 sulod sa duha oras nga panwagan. Alang sa medikasyon kini ni CJ Riz Matilos, 4-anyos nga may bangag sa kasing kasing.
