USA ka maayong tawo ang konsehal sa Barangay Landan nga na biktima sa pagpamusil ug namatay kagahapong adlawa, Hunyo 12 sa kasamtangan nga tuig.
Sumala kay Kagawad Eleazar Jovero sayo pa sa buntag adunay nagpahibalo kaniya gikan sa Barangay Landan, nagsulti nga gipusil ang usa sa mga kagawad nga naila sa pangalang Roger Masalon Samling.
Sa pagkaila ni Jovero maayo man nga makihalubilo sa ilaha nga mga opisyal sa munisipyo ang mao nga konsehal sa barangay,wala usab daw siya nadungog nga mga problema.
Sa iyaha nga pagkasayod dugay na kini nga konsehal sa Landan unya nisulay sa paglansar sa pagka kapitan apan wala gipalad, unya karon nibalik na usab sa pagserbisyo pinaagi sa pagka kagawad sa barangay.
Kahibaluan nga basi sa nakasaksi sa pagpamusil gisundan sa duha ka tawo ang biktima sakay sa motorsiklo unya nibalik sa agi human sa kremin. I Ver Diazon
