Sugatan ang isang laborer matapos itong saksakin ng dalawang lalaki sa Barangay Pahinga Norte, Candelaria, Quezon nitong Sabado, Hunyo 29.
Ayon sa police report, nagmamaneho umano noon ng tricycle ang biktima nang harangin ng mga suspek ang daan nito kung kaya nagkaroon ng pagtatalo.
Sa gitna nito, sinaksak ng suspek ang biktima sa braso at sa kanang katawan ngunit nakakuha ito ng gulokan para depensahan ang kanyang sarili subalit tumakas ang mga suspek.
Sa ngayon, nagpapagaling na ang biktima habang patuloy naman ang isinasagawang operasyon ng mga awtoridad upang madakip ang suspek.
