Namahagi ang Department of Environment and Natural Resources Region 2 ng libreng titulo sa 127 na indibidwal mula sa iba’t-ibang munisipalidad sa Nueva Vizcaya.
Ito ay bahagi ng Handog Titulo Program ng kagawaran kung saan isinagawa ang pamamahagi kasabay ng selebrasyon Philippine Envioronment Month sa pamamagitan ng DENR Caravan.
Ipinasakamay na rin kay Bayombong Mayor Antonio Sergio Bagasao ang naaprubahan at sertipikadong political boundary map.
Hinikayat naman ni DENR Regional Executive Director Gwendolyn Bambalan ang publiko na protektahan ang kagubatan at magtanim ng maraming puno upang patuloy na malabanan ang climate change.
