Mangin mahapos na para sa mga kabataan nga may espesyal nga kinahanglanon ang makaeskwela sang matawhay, matapos ginbuksan na sa publiko ang labing-una nga Inclusive Learning Resource Center sa probinsya nga nahamtang sa Pontevedra Elementary School.
Katuyuan sini ang paghatag sang patas nga edukasyon sa mga kabataan sa pihak sang kasablagan sa lawas kag paghatag sang access sa kalidad nga edukasyon pinaagi sa mga moderno nga kagamitan kag pasilidad nga makabulig sa pagtuon sang mga kabataan nga may espesyal nga kinahanglan.
Yara man sa nasambitan nga sermonya sang tinalikdan nga Hulyo 31 ang pila ka mga opisyales sang probinsya, Capiz Division Schools Office, mga katapo sang Department of Education Region VI, kag mga opisyales kag pumuluyo sang Pontevedra.| Frances Joy Preciosa
