LEGAZPI CITY – Maabot sa labi 500 na slots sa Department of Education (DEPED) Bicol an posibleng buksan sa oras na madagos an orden na pagbabawas nin workload sa mga paratukdo.
Ini an pigkumpirmar kan departamento, kun sain nasa 537 an totalmenteng numero kan slots na magigin bukas na resulta kun iimplementar an orden na ini na base man sa kasuguan ni Vice President Sara Duterte.
Sa paagi kaini, an mga mawawara sa responsibilidad kan mga paratukd na bubuksan asin pwedesir applyan kan publiko iyo an pagigin coordinator kan gulayan sa paaralan asin sa Disaster risk reduction (DRR).
Obheto kan lakdang na ini na mas makatutok an mga paratukdo sa kamarayan kan mga estudyante orog na sa lado kan pag-aadal.
