GIKUMPERMA sa labaw sa City Permit Division nga gitawagan siya sa taga Coastguard kalabot sa isyu sa Seaoil ug wala daw siya nasayod nga adunay problema.
Sa pahayag ni Licensing Officer 4 Geraldine Zamora gikumperma niini nga adlaw nga Dominggo sa dihang gitawagan siya sa taga Coastguard kalabot sa na isyu nga Business Permit sa Seaoil Depot sa Bawing, wala daw siya nasayod sa problema kon wala siya gitawagan.
Kabahin sa pangutana kon ngano nga naisyuhan og business permit bisan kon walay fire safety inspection certificate, ang tubag ni Zamora, online na ang proseso sa aplikasyon, nag rely lang sa system kay kon may peoblema dili mahuman ang proseso, apan kay nahuman pasabot nga walay problema sa aplikasyon.
Gidugang ni Zamora nga upat lang ang rekositos sa new permit, una ang Barangay Clearance, ikaduha Trade name o SEC Registration, ikatulo Occupancy permit, ikaupat mao ang Proof of ownership ug properties, pagdawat sa aplikasyon gina-encode tapos i-forward sa laing department electronically kon makompleto na ibalik sa licensing alang sa printing ug issuance sa Business Permit.
Na-issue ang Business Permit kaniadtong Desyembre 23, samtang sa Office of Building Officials, gikumperma usab sa desk officer nga naka- isyu sila og Building permit unya aduna pay laing mga aplikasyon.
Kahibaluan nga gi-imbestigahan sa taga Coastguard ang oil depot sa Bawing human nagduda sa usa ka barko nga naga-unload og karga miaging bulan sa Desyembre 2021. I Ver Diazon
