Narekober na ang pula nga kotse nga maoy gisakyan sa prime suspek nga nagpabusikad sa bomba alas 10:49 sa gabii sa usa ka balay imnanan sa Roman Diaz St., Calinan ning dakbayan sa Davao.
Sumala sa Davao City Police Office nga narekober ang maong kotse sa Tagum City. Ug nasayran nga usa ka babaye ang nag-rent sa maong sakyanan.
Kahinumdoman nga gihatagan og 24 oras nga ultimatum ang wala nganli nga prime suspek nga mupatim-aw sa buhatan sa kapulisan hinungdan nga nagpadayon ang hot pursuit operation batok sa nahisgutan.
Una na nga gikanayon ni Davao City Police Director PCol. Alberto Lupaz nga ang maong suspek kanhing ka-relasyon sa tag-iya sa restobar nga si Monalisa Alegarme Melhem.
Una nang nadakpan ang usa s aka suspek nga maoy gisugo sa pagtanom sa eksplosibo sa resto bar nga gikamatay sa usa ka tawo ug gikaangol sa laing tulo ka indibidwal.
Napasaka na hinoon ang kasong murder ug malicious mischief batok sa suspek ug gidugang ang frustrated murder ug kalapasan sa RA 9516 kinsa guilty sa pagtanom og bisan unsang matang sa pambusikad sa prosecutor office pinaagi sa regular filling.
