Mali ang ginawang disqualification ng Commission on Elections (COMELEC) sa supplier nitong Smartmatic.
Ito ang naging desisyon ng Korte Suprema sa petisyong inihain ng Smartmatic laban sa poll body.
Sa unang press briefing ng bagong Supreme Court spokesperson Atty. Camille Ting – inanunsyo nitong pinagbigyan nila ang petisyon ng Smartmatic hinggil sa pag-alis sa kanila para sana sa mga posibleng bidders para sa 2025 elections.
Sa kabila nito, ‘di naman nila ni-nullify ang pag-award sa kontrata sa panibagong supplier na Miru Systems.
