Blangko pa ang isa sa mga konsehal ng Olongapo kung ano ang motibo ng taong nambibiktima ng mga food establishments gamit ang pangalan ng mga kilalang indibidwal sa lungsod.
Ito ay dahil maliban sa ilang kapitan sa Olongapo na kamakailan ay pinadalhan ng mga pagkain na nagkakahalaga ng di bababa sa tatlong libong piso ay nagamit na rin ang pangalan ni Konsehal Tata Paulino.
Araw ng Martes ng magtext at omorder sa dalawang lechon house ang nagpakilalang Tata Paulino at ipinadeliver sa city hall ang mga pagkain at inumin.
Ayon kay Paulino, maliban sa panloloko sa mga food establishment ay walang ibang posibleng motibo ang indibidwal na nasa likod ng mga fake order.//Christian Andres-BNFM OLONGAPO
