Kulong sa Kalibo Police Station ro sangka eaeaki matapos segun nga nagwala sa Brgy. Caano sa banwa it Kalibo.
Base sa report sa Kalibo PNP, ginkilaea ro suspek nga si Abby Magno 50yo ag residente it nasambit nga lugar.
Nasayuran nga hilong ro suspek kat masubeang it complainant nga si Edna Abayon 49yo ag daywa pa kara nga kaibahan.
Base sa reklamo, ginharang ro complainant ag ro anang daywa ka kaibahan it suspek.
Naga singgit segun raya ag ginausoy ro anang sanduko nga ginkahadlok man it mga tagreklamo.
Insigida nga nagdaeagan ro mga complainant ag nagpangayo it bulig sa mga miyembro it BPAT.
Insigida man nga rumesponde ro mga miyembro it Kalibo PNP ag gindakop ro suspek. / ANN DESLENE SALAZAR
