GIHANGYO karon sa Sangguniang Panlungsod (SP) sa GenSan mayor nga mopalit og latest nga alcohol breath analyzer.
Tumong mapatuman hugot sa GenSan ang 11 katuig nga Republic Anti-Drunk and Drugged Driving Act of 2013.
Ang equipment nga alcohol breathe analyzer (ABA) ang mosukod sa level sa blood alcohol concentration sa lawas sa tawo.
Ang resolusyon nga giduso ni Konsehal Froebella Kan Balleque ang human sa pag-atubang ni Police Major Oliver Pauya sa session sa konseho. Asa gitaho ni Pauya nga labaw sa Traffic Enforcement Unit nga misaka ang ihap sa insidente sa bangga sa GenSan.
Nag-unang gitudlong hinungdan mao ang human error sama sa over speeding.
Gihingusgan ni Pauya nga dako og tabang ang equipments aron masiguro ang road safety sa mga motorista.
Kinahanglan nila ang equipments isip ebendensiya sa kasong ipasaka kung gituohang naa sa impluwensiya sa ilimnong makahubog ug iligal nga droga ang nalambigit sa bangga. I Richel Gubalani
