Arestado ro sangka eaeaki sa ginkasa nga buy bust operation it Malay PNP ag PDEA-Aklan sa Sitio LugUtan Brgy Manocmanoc sa isla it Boracay kabii.
Ginkilaea ro subject nga si Arnel Bolor ‘alias Bunso’ 24yo ag presenting nagaistar sa Brgy Balabag sa isla pero native it Mansalay Mindoro.
Narekober sa suspek ro 2 ka sachets it suspected shabu ag 1,200 pesos marked money.
Samtang sa ginpatigayun sa suspek nga body search, naboe-an pa gid raya it 3 sachets it suspected shabu nga nagabalor it P5,000.
Kapin sa sang buean segun nga ginmonitor ro nasambit nga suspek bilang newly identified drug personality.
Sa makarun hay sa kustodiya eon raya it mga kapulisan para sa inquest proceedings. / ANN DESLENE SALAZAR
