PAGPANGAWAT ang motibo sa pagpangluba patay sa sekyu sa usa ka establisimento sa Makar, Barangay Labangal, GenSan.
Matud ni PMajor Patrich Elma, hepe sa Makar Police Station posibleng nakamatikod si Sandiego Thing, ulitawo, sekyu, taga Barangay Fatima. Sa pagpangawat unta sa pipila ka indibidwal sa gibantayan niining establisimento nga mao ang Unicor equipment rental services.
Dihang nakita kini ni Thing didto na posibleng gisita niini ang mga tawo misukol kaniya ug didto na kini gitabangan og tigbas. Giangkon ni Elma nga walay testigo sa krimen apan gipalawom ang imbestigasyon kalabut sa insidente.
Alas-6:55 sa buntag, Miyerkoles gikataho ang pagkakaplag sa patay’ng lawas ni Thing sa gibantayan niinign establisimento. Samtang tubagon sa security agency nga gitrabahoan ni Thing ang tanang galastuhon sa haya niini dungan sa padayong pagpangayo og hustisya sa pamilya. (Richel Gubalani)
