Maga pangatubang sa kasong murder ro eaeaki nga nagbuno-patay sa anang hipag sa Brgy. Regador, Ibajay, Aklan.
Natabo ro pagpamuno sa biktimang si Mercedez Fernandez Aguelo, sa mismong adlaw it Paskwa.
Sa report, naga ilabas ro biktima kaibahan ro anang pamilya sa sueod it andang baeay kat gulpi rayang bun-on sa likod it suspek nga si Raymond Tumbagahan Aguelo, 38yo nga bayaw it biktima.
Sambilog sa ginaturo nga motibo it kremin hay away sa propiedad bangud gusto segun nga makitunga it suspek sa baeay nga ginaistaran it biktima.
Arestado man ro suspek ag sa kustodiya eon it Ibajay MPS, ag narekober kana ro kutsilyo nga may habang 11.5 inches. // ANN DESLENE SALAZAR
