Naglab-ot na sa 142 ang nabalhag nga kaso sang balatian nga dengue sa probinsiya sang Capiz, sandig sa pinakaulihi nga datos sang Provincial Health Office (PHO) Morbidity Week 13 kag napetsahan sang Enero 1 tubtob Abril 1, 2023.
Nagdangat sa 140.68% ang narekord nga kaso, mas mataas kun ikomparar sa kapareho nga period sadtong tuig 2022 nga may yara lamang nga 59 ka kaso.
Nagapanguna sa gihapon nga may pinakamadamo nga kaso ang banwa sang Tapaz nga may 59; Roxas City nga may 19; Pontevedra nga may 8; Dumalag, Mambusao kag Panitan nga may tig-7; Dumarao- 6; Pilar, kag Jamindan may tig-5; 4 sa banwa sang Ivisan; Cuartero, President Roxas, Panay, kag Sigma nga may tig-3 ka kaso ; Dao kag Sigma nag may tig-2; banwa sang Sapian nga may 1 ka kaso; samtang nagapabilin nga wala sang may nabalhag nga kaso ang banwa sang Maayon.
Pinaka apektado nga age group sa amo nga balatian suno sa PHO ang edad 5 tubtob 9-anyos.
Padayon naman ang panugyan sa publiko, nga sundon ang pag-obserbar sang 4s strategies batuk sa balatian nga dengue; Search and destroy, Secure self-protection, Seek early consultation kag Say yes to fogging.
