MISAKA ang ihap sa kaso sa cybercrime sa Soccksargen region, asa ang nangbiktima ang nakatago ang ilhanan sa mobile phones ug computer. Matud ni PCol. Elmer Mora, Regional Anti- Cybercrime- Unit (RACU-12) Regional Chief sagad nataho kanila mao ang pang-blackmail sa pagkatag sa hubo nga hulagway o bidyo.
Sa nasud dunay balaud kalabut niini nga mao ang Anti-Photo and Video Voyeurism Act of 2009 (Republic Act 9995). Tumong sa balaud ang pagbawal sa pagpost, pagpakatag sa material sa social media sites nga makaguba sa dungog sa usa ka indibidwal.
Wala ma’y gihatag nga insaktong datus si Mora, apan gibutyag nga duna nay nakonbikto sa kaso, naay kaso nga pending ug dunay usab na-pending sa preliminary investigation.
Usa ka example niini ang pagkasikop nila sa usa ka lalaki nga nanghadlok sa usa ka babaye nga ikatag niya ang hubo nga litrato ug bidyo kung dili kini makighilawas kaniya. Samtang, giangkon niini nga hagit kanila ang usahay kakulangon sa ebedensiya nga nagpahuyang sa prosekusyon ug makapawala sa tyansa sa pagpakonbikto sa mihimo sa krimen. I Richel Gubalani
