MISAKA na sa ‘outbreak’ level ang kaso sa dengue sa pipila ka bahin sa rehiyon nga gikabalaka na sa Department of Health (DOH) 12.
Sa taho nga gipagula atong Setyembre 2 sa DOH-12’s Regional Epidemiology and Surveillance Unit (RESU) misaka na sa 15,224 ang kaso samtang 56 ang patay gikan Enero 01 hangtud Agusto 24,2024.
Kini ang 45 % taas tandi sa datus sa ahensiya nakalabay’ng tuig sa susamang panahon.
Mokabat usab sa 23 ka barangay sa tibuok rehiyon ang gikonsiderang ‘hotspots” ug naa sa 253 barangay ang dunay clustering sa dengue o nakatala og tulo o daghang kaso sa sakit sa mga nakalabay’ng semana.
Sa pamahayag ni Dr. Dyan Zubelle Parayao, labaw sa RESU sagad sa mga lugar sa rehiyon ang nakatala og taas nga kaso sa dengue. Apan ang labing taas nga kaso sa dengue nga natala sa Cotabato province nga dunay 5,711 cases.
Naa usab sa 11,000 pasyente ang na-admit karon sa nagkadaoyang medical facilities samtang 250 ang kumpirmadong kaso sa dengue. I Richel Gubalani
