MAS ubos sa 73 percent ang kaso sa dengue ning tuiga sugod Enero hangtud Hunyo 3, 2022 itandi sa 2021.
Kini ang gibutyag ni Mary Rose Ann Aloot, registered nurse ug assistant health education and promotion officer sa City Health Office sa GenSan.
Matud niini sa 218 cases ning tuiga mokabat sa pito ang namatay kun 3.21 percent samtang miaging tuig, anaa sa 794 dengue cases ug 8 ang namatay.
Ang lamok nga nagdala sa dengue ang makita sulod sa balay, hinungdan giawhag ni Aloot nga imintina ang kalimpyo ug sundon ang 4S strategy.
Unang S, ang search and destroy, tanang gipamugaran sa lamok, sama sa mga ligid sa sakyanan, dish drainer, sudlanan sa tubig sa likod sa refrigerator, ingon man flower vase angayang malimpyohan.
Ikaduhang S, ang seek early consultation, basta may hilanat bisan duha ka adlaw, moadto na sa barangay health station asa may dengue kits nga libre.
Ikatulong S, mao ang safety precuations, musul-ob og longsleeves o mopahid og insect repellant aron maproteksyonan sa pinaakan sa lamok ug ikaupat nga S mao ang support indiscriminate fogging if kinahanglan labi na sa usa ka barangay nga tulo ka consecutive week nga sagunson ang pagsaka sa kaso sa dengue.
