LEGAZPI CITY – Puminakol sa 130% an paglangkaw sa kaso nin mga naputukan sa Bicol Region katakod kan pagselebar nin kapaskuhan asin pagsabat sa Bagong taon.
Mas halangkaw su boot ini kumpara sa nakalihis na taon.
Basado sa ipinaluwas na datos kan Department of Health (DOH), nasa 46 na an kaso nin fireworks-related injury puon kan Disyembre 21, 2023 hasta Enero 3, 2024 kumpara sa parehong peryodo kan taong 2022 kun sain 20 sana an nairehistro.
Mientrastanto, nangengenot man giraray an Camarines sur na may 18 kaso; 16 sa Camarines Norte; walo sa Albay, 2 sa Sorsogon asin pigsaro sa Masbate asin Catanduanes.
