Kinumpirma ng Municipal Health Office ng lokal na pamahalaan ng Camalig, Albay na patuloy ang pagtaas ng bilang ng hand, foot and mouth disease (HFMD) sa bayan.
Umaabot na sa 43 ang aktibong kaso sa bayan ang nasabing sakit.
Dahil dito, nagsasagawa ang LGU ng information education campaign o information drive sa mga day care centers, paaralan at barangay upang mapigilan ang pagkahawa ng mga bata sa HFMD.
Hinikayat din ang mga mag-aaral na ugaliin ang pagsuot ng face mask, paghuhugas ng kamay, at paggamit ng alkohol o sanitizer at iba pang mga protocol laban sa sakit.
Sa ngayon, ang Camalig ay may kabuuang siyamnapu’t limang (95) na kaso ng HFMD.
