Nag-abot eun sa P820 milyon ro pagkalugi sa mga tanom it paeay sa Western Visayas bangud sa pagpanalasa it super typhoon “Odette,” base sa datos it Department of Agriculture (DA) Region 6.
May kabieogan nga 28,748.36 ektarya it kaeanasan sa bieog nga rehiyon ro nasamad– ro Negros Occidental hay naka-angkun it pinakamabahoe nga kasamaran sa mga tanom it paeay nga nagaabot sa P696,449,480.60; ginsundan it Iloilo nga may P99,448,568.87; probinsiya it Antique nga may P16,105,788.96; probinsiya it Capiz nga may P6,034,080 ag Aklan nga may P2,313,010.
Samtang ro probinsiya it Guimaras hay uwa pa nakasumite it report sa DA-6 sa kasamaran sa sektor it agrikultura.
Padayon man ro pag-validate it regional office sa mga report rason nga pwede pa magbag-o ro mga nasambitan nga numero./JIL B. LACSON
