NAGSANIB-PWERSA na ang kapulisan ug kasundalohan sa GenSan aron mapugngan ang pagsaka sa krimen sama sa kawat ug tulis partikular na sa nagkaduol nga ‘ber’ months’.
Matud ni Police Col. Nicomedes Olaivar Jr., Officer incharge police director sa General Santos City Police Office (GSCPO) sa pulong nila kauban si Col. Ruben Aquino, commander sa Joint Task Force GenSan (JTF). Nadesisyonan nilang magsanib-pwersa sa pagbantay sa seguridad sa siyudad batok krimen ug terorismo.
Gawas niini, gimandu na ni Olaivar sa mga sakop ang pagpahugot sa pagpatrolya sa mga kadalanan sa GenSan. Ang lakang sa GSCPO ang dungan sa pagsaka sa ihap sa insidente sa kawat ug gikaengong pagpanulis sa siyudad.
Dugang sa opisyal, gawas sa pagpahugot nila sa seguridad kauban ang kasundalohan apan kini ang giawhag nila ang publiko nga ampingan ang ilang mga propedad batok sa mga kawatan.