Moabot na sa 89,126 ka mga indibidwal sa Davao Region ang nakakumpleto na sa ilang bakuna kontra COVID-19.
Sumala kang Department of Health XI-Local Health Support Division chief Dr. Raquel Montejo, pinakadaghang nakakumpleto naggikan sa Priority A1 group nga adunay 64,925 nga gisundan sa 14,213 ka senior citizens o A2 ug 9,848 alang sa persons with comorbidities nga anaa sa A3 priority group.
Dugang sa opisyal nga anaa na usab sa 391,333 ang nakakuha sa first dose samtang nagapadayon ang second dise vacination nga gigahinan og 265,325 ka doses.
Sa pikas bahin gibutyag usab sa Davao City Vaccination Cluster nga gikan sa 248,283 nga nabakunahan, 52,038 niini ang fully vaccinated na.
Subay sa record, 63.37% o anaa sa 27,247 ang nakakumpleto na sa kaduhang dose gikan sa 42,996 ka healthcare workers nga nakadawat sa first dose.
Moabot usab sa 73,054 senior citizen ang nahatagan sa first dose ug anaa pa lamang sa 17.89% o 13,072 ang nakakumpleto na sa bakuna samtang 12.21% usab o 11,579 gikan sa 94,828 ka adult with comorbidities ang fully vaccinated na.BNFM-DAVAO
