Malipayon nga ginbaton kang 8941 ka mga mangunguma sa probinsya ang cash aid nga nagabalor kang P5,000 naghalin sa Department of Agriculture (DA) pinaagi sa Rice Competitiveness Enhancement Fund–Rice Farmers Financial Assistance (RCEF-RFFA) kang damlag lang.
Suno kay Gina Tambal,40-anyos nga mangunguma nga residente kang Brgy. San Juan Sibalom, tuman ang pagpasalamat kadya bangud insakto ang pagt-abot kang assistance sa kadya nga tion kang tag-taranum.Dugang na pa sarang dya makabakal kang fertilizer kag insecticide para sa andang taramnan.
Naman-an nga dya nga magluwas sa cash aids magapanagtag man kang 40 kilos nga rice seedlings sa kada hektarya ang ahensya.