Mokabat sa kapin 800 ka pamilya sa dakbayan ang naapektuhan sa halapad nga pagbaha ug swerte nga walay natalang casualty ang Davao City Disaster Risk Reduction and Management Office (DCDRRMO) gawas na lamang sa gatusan ka pamilya nga temporaryong gihikling atol sa pag-awas sa mga kasapaan sa miaging Lunes sa gabie
Sumala kang Alfredo Baloran, Head sa CDRRMO, sa interview sa Davao City Disaster Radio, nakatabang ang sayo nga paghatag og abiso ngadto sa mga residente nga mangandam alang sa hinanali nga pagbawit busa walay gikataho nga casualty, nasamdan o na-missing atol sa pagbaha.
GIbutyag usab ni Barangay Captain Nilo Cabiles sa Cabantian nga ana sa kapin kulang 250 households sa Laverna Hills ang apektado kung diin lima ka pamilya gikan sa Soraya Subdivision ang gireskyu.
Nihangyo na usab matud pa sila karon og medisina batok sa Leptospirosis.
Samtang atol sa pag-overflow sa Matina River, mokabat sa kapin 600 pamilya ang gipabakwit gikan sa Matina Pangi ug Matina Crossing.
Sigon ni Baloran, ang pagbaha epekto sa Intertropical Convergence Zone kon ITCZ nga mipasulabi karon sa pulo sa Mindanao.
