GIHIMO sa mga sakop sa Police Regional Office 12 ang send-off ceremony sa kapin 600 ka mga police personnel sa rehiyon alang sa pagpatuman sa seguridad sa Yuletide season.
Gipangunahan ni regional director PBGen. Jimili Macaraeg ang maong aktibidad kung asa gikalangkuban ang 644 personnel sa 523 gikan sa PNP BISOC batch “PINAGSANIB” graduates, 101 gikan sa RMFB 12, ug 20 gikan sa 1st SKMPFC.
Ideploy matud pa ang mga nahisgutang ihap sa kapulisan sa mga lugar nga may mga posibleng criminal activities ug aron malikyanan ang mga bahad sa terorismo sa mga lugar nga nagkinahanglan og tabang siguridad alang sa malinawon ug luwas nga pag selebrar sa kapaskuhan og bagong tuig.
Sa ilang pag destino sa nagkalaing lugar, gipahinudum ni PBGen. Macaraeg kanila ang tumong sa ilang serbisyo ug pagtinabangay sa usa’t-usa alang sa kaluwasan sa katawhan sa rehiyon 12. I MJ Fernandez
Photo by: PRO 12
