Naglutaw og wala nay kinabuhi ang kapin usa ka tuig nga batang lalaki human napalgan sa kadagatan duol sa liberty shrine sa Mactan ,dakbayan sa Lapu-Lapu pasado alas 11 sa kabuntagon.
Sa maong hitabo, samtang nag-atiman ang 25-anyos nga inahan sa kamanghuran nga anak niini nga usa pa ka masuso, wala na niini mabantayi ang kapin usa ka tuig nga bata nga milakaw na paingon sa pultahan sa ilang balay.
Gituohang tungod kay wala na lock ang pultahan, possibleng natagak ug nalahos ang bata paingon sa dagat nga miresulta sa pagkalumos, sanglit nagpuyo haduol sa dagat ang pamilya niini.
Gisuwayan pa pagpangita ang maong bata apan napalgan nalang kining naglutaw-lutaw sa taob nga kadagatan.
