14 mula sa 32 coronavirus diseases (COVID-19) referral hospitals sa bansa ang nasa “critical” na ang healthcare utilization rate (HCUR) matapos na makapagtala ng higit sa 85% na utilization rate.
Ayon sa Department of Health, ang mga pasilidad na nasa critical risk as of September 5 ay ang Research Institute for Tropical Medicine (100 percent), Amai Pakpak Medical Center (100 percent), Southern Philippines Medical Center (99 percent), Region 1 Medical Center (99 percent), National Kidney and Transplant Institute (96 percent), Baguio General Hospital and Medical Center (96 percent), Lung Center of the Philippines (96 percent), UP-Philippine General Hospital (95 percent), at Quirino Memorial Medical Center (95 percent).
Kasama rin ang mga medical facilities na Batangas Medical Center (92 percent), Jose B. Lingad Memorial Regional Hospital (91 percent), Dr. Paulino J. Garcia Memorial Research and Medical Center (91 percent), Dr. Jose N. Rodriguez Memorial Hospital (89 percent), at Cagayan Valley Medical Center (86 percent) sa mga pasilidad na nasa critical risk na.
Samantala, limang ospital naman ang may 70% hanggang 85% na HCUR dahilan upang itaas na sa high-risk ang mga ito.
Dagdag ng DOH, may 6,808 total bed capacity para sa mga COVID-19 patients ang 32 referral centers.
At sa kasalukuyan, 80% o 5,435 umano rito ang ginagamit sa ngayon, habang okupado na rin umano ang 1,440 mula sa 1,815 ICU beds ng mga ito.
