Dead on the spot ang usa ka kanhi rebelde human gipusil saiyang kabarong igsoon sa Brgy. Fatima, Paquibato, ning dakbayan sa Dabaw.
Giila ang biktima nga si Dennis Sulla Cabunilas, 40-anyos, ug ang suspek si Larry Sulla Cabunilas, 48-anyos, ang mga nahisgutan mag igsuon ug pulos mga kanhi rebelde.
Subay sa imbestigasyon sa kapulisan, nag selebrar matud pa saiyang birthday sa usa ka waterfalls ang biktima samtang nag inom kauban ang suspek nga iyang igsuon ug sa dihang naglami na ang inistoryahanay sa duruha, dako na lamang ang kakurat sailang kaubanan human nga gipusil kini sa suspek.
Nasayran nga gi-engganyo sa biktima ang suspek nga musurender na sa sabakang balaod apan nasuko matud pa kini hinungdan nga mibunlot gilayon og pusil ang suspek.
Dugang niini, nasuta nga ang mag-igsuon adunay warrant of arrest nga pulos kanhi myembro sa PBC1, SMRC diin ang biktima nga nailang si Dennis adunay kasong Murder ug Attempted Murder samtang ang suspek nga si Alyas Jinggoy aduna sab kasong Murder, Grave Threats ug Arson. BNFM-Davao
