Nagtungo na sa Office of the Ombudsman ngayong araw ang mga abugado ni Bamban Mayor Alice Guo.
Ito ay para ihain ang kanilang motion for reconsideration with an urgent motion to lift preventive suspension.
Hinggil ito sa 6-month suspension without pay laban kay Guo, maliban pa sa dalawang mga empleyado ng munsipyo.
Nag-ugat ito sa ‘di umano’y kuneksyon niya sa POGO, kung saan ay nagkaso na rin ng graft ang DILG laban sa aklade.
Una nang sinabi sa panayam ng Brigada NewsFM kay Atty. Stephen David na bagamat nirerespeto nila ang kapangyarihan ng Ombudsman na magpataw ng suspension – sana man lang daw ay nabigyan sila ng pagkakataong makapagpaliwanag.
