Gikondena sa Davao City Police Office ang pagpatay sa duha ka mga pulis ug ang pagka-angol sa laing duha ka pulis human nga miresponde sa nahitabong kagubot sa Purok 4, Barangay Lacson, Calinan District, ning syudad sa Davao.
Kahinumdoman nga brutal ang kamatayon nila Chief Master Sergeant Tito Lague ug Corporal Mark Anthony Corsino kansa gipangtigbas ug gipusil sa duha ka mga suspek nga miyembro sa Matigsalug tribe.
Samtang samdan sab ang laing duha nga nailang sila Corporal Ken Leo Diango Gumanoy ug ang driver sa mobile nga si Donald Ombrete.
Sumala pa ni DCPO Director PCol. Alberto Lupaz nga ang kamatayon sa duha ka mga pulis wala lamang nakaapekto sa ilang organisasyon apan kanilang mga men in uniform.
Gipasalig sab ni PCol. Lupaz nga nga ilang hatagan og hustisya ang pagkawala sa duha niya ka mga gingsakupan.
Kabaloan nga napatay sab ang usa sa mga suspek nga si Benao Maanib Landas ug nadakpan ang kauban niini nga si Rico Masacay.
Samtang, gitunolan og mortuary fund ang mga kabanay sa namatay nga police nga miresponde sa nahitabong away sa mga tribu sa Barangay Lacson sa Calinan ning dakbayan.
