NAGA CITY – Umaabot ng halos 49 libong piso ang naibibigay na pinakamataas na financial assistance ng LGU-Naga sa sinumang mamamayan sa lungsod na naka-confine sa ospital, pribado man o pang pampubliko lalo na sa bagong Naga City General Hospital.
Karamihan sa mga pasyenteng may mataas na hospital bills ay ang mga regular na nagpapa-confine tulad ng nagda-dialysis at iba pang malalang sakit na sobrang mahal ng mga gamot at doctors fee.
Sa pagharap sa media at sa Brigada News FM Naga ni City Administrator Elmer Baldemoro, sinabi nitong hindi lang ang mga ordinaryong taga lungsod ang dapat na makapag-avail ng libreng gamutan o hospitalization kundi maging ang mga empleyado kasali na ang mga media practitioner.
Ayon kay Baldemoro, may mga isinasagawang free medical mission ang City Government katulong ang iba pang Government Line Agencies tulad ng Ako Bikol Partilyst na may pondong inilaan para sa programang ito.
