Unti-unti na raw umaaliwalas ang hangin sa Kamaynilaan.
Sa Saturday News Forum – sinabi ni DOST-PAGASA Weather Division chief Eng. Jun Galang na umaayos na ang kaldiad ng hangin sa Metro Manila.
Aniya, mas ‘ligtas’ na raw ito ngayon, kumpara sa mga nagdaang araw dahil sa smog.
Paliwanag ni Galang – nakatulong ang mga naranasang pag-ulan sa Metro Manila para maitulak at gumalaw nang bahagya ang smog.
Sa latest bulletin ng Air Quality Index o AQI ng DENR-NCR, nasa ‘good condition’ na ang hangin sa Kamaynilaan.
Bago ito, una nang nilinaw ng DOST at ng DENR na ang smog na naranasan sa rehyon ay hindi dulot ng volcanic smog ng Bulkang Taal.
