Ginpangunahan ni Kalibo Mayor Juris B. Sucro ro ginpatigayun nga Consultation Meeting pinaagi it inisyatibo it Project 28 (Cityhood Initiatives for Development) sa UP Diliman University Hotel.
Gintambungan man raya it pilang mga alkalde sa nasyun.
Ro pag organisa ni Mayor Sucro it nasambit nga meeting hay para maistoryahan ag mataw-an it update kaangot sa estado it ginasueong nga cityhood it banwa it Kalibo.
Umapela man ro alkalde it bulig ag suporta it mga alkalde halin sa 27 ka mga capital towns para madayun ro house Bill kaangot sa cityhood.
Raya hay kabahin paeang segun it mga tikang nga maging syudad ro Kalibo.
Nasayuran nga ginpili it mga alkalde si Sucro bilang Convenor it “Project 28”. // ANN DESLENE SALAZAR
