Makabuoe it dugang nga Sister-City Pack ro banwa it Kalibo ag syudad it Cebu sa maabot nga paniempo.
Suno kay Kalibo SB Member Phillip Yerro Kimpo, Jr. may inisyal eon nga ginkasugtanan ro Cebu City Government sa LGU Kalibo sa ginpatigayun nga Benchmarking it Local School Board kaibahan si Mayor Juris Bautista Sucro bilang Chairperson.
Gindugang pa ni Kimpo nga ro LGU Cebu hay haum nga makipag-Sister-City Pack sa Kalibo para makabulig sa Revenue Generation para sa istrikto nga pagpa-rehistro it mga negosyo, pagpamuno it libreng edukasyon pinaagi it pagtao it scholarship, kaeakip ro Public – Private Partnership PPP kamana man ro kasayuran sa pagtapna sa Dengue pinaagi it tekonolohiyang Geographical Information System GIS. // ANN DESLENE SALAZAR
